Carmen's Tumblr

有同事今日話「我真係好嬲自己,警察放催淚彈嗰日無出去一齊撐住。」
我最初以為只有我呢啲新人只有如斯on99嘅諗法,當一路睇住live,望住催淚彈扔完一個又一個;當一路睇住facebook,望住學民學聯四方八面話金鐘唔夠人要人聲援;當我見到有好多中學生唔返學都出去;當見到好多平時完全唔會理政治嘅人都買左眼罩口罩出去,我真係於心有愧。

有人話,報新聞呢個崗位好重要,但對比起出去跑嘅同事,對比起催淚彈扔出黎都唔會走而係影相嘅攝記,我呢個重喺office打稿追live嘅人,其實咪只係一個終極keyboard frighter。

返通頂嗰日,有好多識嘅唔識嘅其他部門同事走過黎話,「咦你地通頂咁辛苦?加油呀!」,甚至有同事拎朱古力拎糖水黎,但事實上,對比起咁多示威人士,對比起咁多中左n次催淚彈,比胡椒噴霧噴到一身都係嘅同事,其實我係最舒服嗰個。

通完頂臨放工嘅時候,老細特登放低一句,「卡文我知你一定想落去,但我同你講千祈唔好落,養足精神聽日返黎報新聞先係專業嘅表現。」講多兩句,我地兩個突然醒起朝早6點9前公司車會先經坑口觀塘再去到旺角,老細開始游說我喺坑口落車,教埋我點行去地鐵站,又或者,建議我喺觀塘落車,到終極臨走嘅時候,再同我講多句「記得唔好落去」,而嗰朝,我最終喺觀塘落左車。

今日返夜,放工嘅時候喺旺角見到好多著住黑衫,扣住黃絲帶嘅人落車,有一刻我諗,如果呢一刻我見到識嘅人落車,問我點解唔去聲援佔領,我係咪會答「因為我聽日要返工」呢個荒謬到極嘅答案,但係我講唔出口。

同學仔,係我呢個所謂大人對你地唔住。

返工去政總訓三個鐘再返工,終於收工,返到屋企,都係開番有線新聞台。
我真係攰到黎唔到,喺政總嘅朋友要撐住,萬事小心。

是我虧欠了你們。

突如其來的早餐:)
預計好難食嘅叉燒包其實ok,預計幾ok嘅雞扎好唔得sosad

哈哈竟然有人覺得買叉燒包係一黎就兩個lol 還好,我以為我話我買左早餐之後就唔會有點心食sosad

有人24號sick leave
25號面如死灰,返到黎就拋低包藥喺檯面
26號都係,但1356突然不顧病況開腔想食九件麥樂雞餐同飲可樂。
哈哈係得你先咁玩命。
我仲可以痴餐連食兩日麥當勞

難得放假,左腳膝頭突然無故劇痛痛到屈唔到腳變跛文,搽完藥膏都無改善,天氣又熱,不事生產,無故又hea左一日,到最後我決定去食雪糕鞭策/懲罰/安撫下自己lol

究竟點樣隻腳先唔再痛 :’(

To Tumblr, Love Pixel Union