Carmen's Tumblr

公司開大咪,工會話聽日canteen任食,成班同事拍完嗌完好野之後即刻醒覺:
「Diu係就係任食呀,任食canteen有撚用啊?!」
「只限堂食搞撚錯呀!」
「話係堂食之後偷偷地拎落黎啦!」
「Diu你方人事部會有人截住你唔比你拎落黎食咩!」
「應該吊幾隻燒豬入黎啦!而家我地有階段性勝利,為左有燒豬食,做左膠都無所謂!」
「Diu叫十個出前一丁唔撚洗煮唔撚洗開,十份餐治走包唔洗切成罐拎落黎啦!」
都話ff有益身心,我啲同事真可愛:)

【我真係忍唔到笑sor】
字幕:
「C喂爛布
賣葛求榮
最不該食_ _ (!?)
唔係(呀姐自己笑)
罪該萬死!!!!!!」

Sorry我聽到呀姐笑我都忍唔住笑
我都收工喇,佢地都唔收工keep住叫肥黎肥凌肥梁,好臭架呢度出面,陰公
(架車走嘅時候望到,原來有成差唔多廿個tent喺樓下:o) 仲有一箱箱水運左黎,即係佢地今晚應該唔走了(′▽`〃))

其實我鍾意梁sir多啲(笑)雖然幅圖出唔到,但我想話見到條題同caption喺公司笑左出聲,我同事將條題寫到咁真係好仆街lol好想知鎮德bb點諗sosad
Btw,林鄭咁搞,大家係時候再出黎(嬲)

一星期前。
「喂,我知你好鍾意食呢個架!比埋你丫!」
正當喺深夜我感動左兩秒之際,又話。
「其實係因為辣得滯我食唔到」
深夜感動秒速無左sosad

這幾天公司出現得最多的畫面就是,當有live的時候大家都圍起來望著電視機,面露擔憂的神色。
每個人都精神崩緊地留意著,每個人都精神崩緊地等待著。
有同事食催淚彈,有同事比催淚彈爆到腳,又有同事比胡椒噴霧噴到一身都係,有人自責點解放催淚彈嗰日佢唔在場,有人變成日日返通宵,有人平時放紅日都要繼續chur返工有人忙到飯都無得食,有人食淨半個飯扔左,有人食飯都要斷開幾百萬次之後大喝一聲「 diu我唔撚食喇!」

臨收工梁振英條友先死出黎,今晚收一聽朝返九,但願我team人都可以健健康康唔好病:(

我diu你啦梁振英,你收手啦好嗎?幾時先識停啊?

有同事今日話「我真係好嬲自己,警察放催淚彈嗰日無出去一齊撐住。」
我最初以為只有我呢啲新人只有如斯on99嘅諗法,當一路睇住live,望住催淚彈扔完一個又一個;當一路睇住facebook,望住學民學聯四方八面話金鐘唔夠人要人聲援;當我見到有好多中學生唔返學都出去;當見到好多平時完全唔會理政治嘅人都買左眼罩口罩出去,我真係於心有愧。

有人話,報新聞呢個崗位好重要,但對比起出去跑嘅同事,對比起催淚彈扔出黎都唔會走而係影相嘅攝記,我呢個重喺office打稿追live嘅人,其實咪只係一個終極keyboard frighter。

返通頂嗰日,有好多識嘅唔識嘅其他部門同事走過黎話,「咦你地通頂咁辛苦?加油呀!」,甚至有同事拎朱古力拎糖水黎,但事實上,對比起咁多示威人士,對比起咁多中左n次催淚彈,比胡椒噴霧噴到一身都係嘅同事,其實我係最舒服嗰個。

通完頂臨放工嘅時候,老細特登放低一句,「卡文我知你一定想落去,但我同你講千祈唔好落,養足精神聽日返黎報新聞先係專業嘅表現。」講多兩句,我地兩個突然醒起朝早6點9前公司車會先經坑口觀塘再去到旺角,老細開始游說我喺坑口落車,教埋我點行去地鐵站,又或者,建議我喺觀塘落車,到終極臨走嘅時候,再同我講多句「記得唔好落去」,而嗰朝,我最終喺觀塘落左車。

今日返夜,放工嘅時候喺旺角見到好多著住黑衫,扣住黃絲帶嘅人落車,有一刻我諗,如果呢一刻我見到識嘅人落車,問我點解唔去聲援佔領,我係咪會答「因為我聽日要返工」呢個荒謬到極嘅答案,但係我講唔出口。

同學仔,係我呢個所謂大人對你地唔住。

返工去政總訓三個鐘再返工,終於收工,返到屋企,都係開番有線新聞台。
我真係攰到黎唔到,喺政總嘅朋友要撐住,萬事小心。

是我虧欠了你們。

突如其來的早餐:)
預計好難食嘅叉燒包其實ok,預計幾ok嘅雞扎好唔得sosad

哈哈竟然有人覺得買叉燒包係一黎就兩個lol 還好,我以為我話我買左早餐之後就唔會有點心食sosad
To Tumblr, Love Pixel Union